பாராளுமன்ற கூட்டத்திற்கு பிறகு லாபம் அதிகம் கிடைக்கும் சமூக ஊடகத்திடம் தனது பங்கை பெற ஆஸ்திரேலியா அரசு முயற்சித்ததனால் , பேஸ்புக் நிறுவனம் அதிரடியாக பல முடிவுகளை எடுத்துள்ளது. ஆஸ்திரேலியா நேரப்படி வியாழன்கிழமை காலை முதல் பேஸ்புக் தளத்தில் ஆஸ்திரேலியா செய்திகள் மட்டும் அல்லாமல் உலகச்செய்திகள் அனைத்தையும் பார்க்கவோ, பகிரவோ முடியாதபடி பேஸ்புக் அதிரடியாக தடை விதித்து தனது முடிவை வெளிப்படுத்தியது.
இது குறித்து ஆஸ்திரேலியா மற்றும் நியூசிலாந்தின் பேஸ்புக் நிர்வாக இயக்குனர் William Easton வெளியிட்டுள்ள அறிக்கையில், எந்த ஒரு செய்தியை பதிவிடவோ, பகிரவோ முடியாதபடி ஆஸ்திரேலிய செய்தி வெளியீட்டாளர்கள் தடை செய்யப்பட்டுள்ளனர் என்று அறிக்கையில் கூறப்பட்டுள்ளது.செய்தி ஊடகம் பேரம் பேசும் செயலை உருவாக்கும் மத்திய அரசின் திட்டங்களுக்கு பதில் அளிக்கும் விதமாக இந்த நடவடிக்கை எடுக்கப்பட்டுள்ளதாக Easton கூறினார்.
அரசினால் எடுக்கப்பட்ட அவசர சட்டத்தினால் எங்களுக்கும் ,செய்தி பதிவிடுபவர்களுக்கும் இடையே கருத்துவேறுபாடு ஏற்பட வாய்ப்புள்ளதாகவும் அவர் குறிப்பிட்டுள்ளார்.மேலும் பேஸ்புக் அட்மினாக இருப்பவர்கள் தங்களது பேஸ்புக் பக்கத்தில் உள்ள Page insights மற்றும் Creator Studio போன்றவற்றை பயன்படுத்த முடியும் என்று கூறினார்.
சர்வதேச செய்தி வெளியீட்டாளர்கள் பேஸ்புக்கில் செய்திகளை தொடர்ந்து வெளியிடுவார்கள், ஆனால் அந்த செய்திகளை ஆஸ்திரேலிய பார்வையாளர்களால் பார்க்கவோ பகிரவோ முடியாது என்று அவர் கூறினார்.ஆஸ்திரேலியாவுக்கு வெளியே உள்ளவர்கள் ஆஸ்திரேலிய செய்திகளை பேஸ்புக்கில் அல்லது ஆஸ்திரேலிய செய்தி பக்கங்களின் செய்திகளை பகிர முடியாது.
அரசு வெளியிட்டுள்ள சட்டங்கள் வருவதற்கு முன்பு கூகுள் மற்றும் பேஸ்புக்கின் ஆஸ்திரேலிய தலைவர்களுடன் பேசியதாக பொருளாளர் Josh Frydenberg கூறினார்.பேஸ்புக் செய்தி தடை கடுமையான கேள்விகளை எழுப்பியதாக தகவல் தொடர்பு அமைச்சர் Paul Fletcher தெரிவித்துள்ளார்.இது தொடர்பாக Frydenberg மீண்டும் பேஸ்புக் தலைவர் Mark Zuckerbergவுடன் பேசியதாக தெரிகிறது.
புதிய உரிம செய்தித்திட்டங்கள் மற்றும் அனுபவங்களில் முதலீடு செய்வதற்கான எங்கள் திட்டங்களின் ஒரு பகுதியாக, பிற நாடுகளுக்கான முதலீடுகளுக்கு நாங்கள் இப்போது முன்னுரிமை அளிப்போம் என்றும் கூகுளை விட செய்தி வெளியிடுபவர்கள் மற்றும் செய்தி வாசிப்பாளர்கள் பேஸ்புக்கில் செய்தி பதிவிடுவதை எவ்வாறு வித்தியாசமாக அணுகினர் என்பதை அவர் விளக்கினார்.
கூகுள் தேடல் செய்திகளுடன் பிரிக்கமுடியாத வகையில் பிணைந்துள்ளது மற்றும் செய்தி வெளியிடுபவர்கள் செய்திகளை தானாக முன்வந்து வழங்குவதில்லை என்று Easton கூறினார்.விளம்பர வருவாயை அதிகரிக்க, செய்தி வெளியிடுபவர்கள் தங்கள் விருப்பப்படி பேஸ்புக்கில் செய்திகளை பதிவு செய்கிறார்கள் என்றும் அவர் கூறினார்.
